«Олохтоох каадырдары промышленнаска» бырайыак чэрчитинэн 7485 киһи үлэҕэ киирдэ
«Олохтоох каадырдары промышленнаска» бырайыак Саха сиригэр 2017 сылтан саҕалаан кэккэ бырагыраамалаах тэрээһиннэрдээх үлэлиир. Ол иһигэр – тэрилтэлэр каадырга сулууспаларын кытта үлэ миэстэтин дьаарбаҥкатын ыытыы, үлэтэ суохтары үөрэтии, эдэр исписэлиистэргэ стажировкалары тэрийии.
2020 сылтан Саха сиригэр өрөспүүбүлүкэни квалификациялаах каадырдарынан хааччыйар сыаллаах «Повышение мобильности трудовых ресурсов» бырагыраама үлэлиир. СӨ Нэһилиэнньэ дьарыктаах буолуутугар судаарыстыбаннай кэмитиэтин информациятын, 2020 — 2022 сылларга регионнааҕы бырагырааманан 81 киһи туһанна.
2021 сыл сэтинньи ыйыттан нэһилиэнньэни үлэнэн хааччыйыы эбии миэрэлэрин олоххо киллэрии «Содействие занятости» федеральнай бырайыак чэрчитинэн «Демография» национальнай бырайыакка киирдэ.
Саха сирин бырабыыталыстыбатыгар үлэнэн хааччыйааччылары үбүлээһин бэрээдэгин оҥордулар. Арассыыйа атын регионнарыттан кэлбит исписэлииһи үлэҕэ ылбыттарга 1 мөлүйүөн солкуобайга диэри кээмэйдээх субсидия төлөнөр. Ити харчыны көһөн кэлээччи олорор сирин төлүүрүгэр, эбэтэр хамнаһыгар 80%-наах эбиилик быһыытынан туттуохха сөп.
Сонуннар
Ордук ааҕаллар
