Олохтоох дьаһалта тугу мунньахтаата

1502 суол быраабылатын кэһии бэлиэтэммит, итиэннэ 31 итирик суоппар тутуллубут, олортон үс киһи хаттаан уруулга олорбут.

Бу туһунан кулун тутар 23 күнүгэр куорат планеркатыгар иһитиннэрдилэр.

Кулун тутар ортотугар диэри Дьокуускайга 65 000 кв.м дьиэ тутуллубут, ол иһигэр 33 тыһыынча элбэх кыбартыыралаах дьиэ.

Санатар буоллахха, 2025 сылга Дьокуускайга 415 тыһыынча кв.м дьиэ үлэҕэ киирбитэ, бу куорат историятыгар рекорднай көрдөрүү.

Биир киһиэхэ тиксэр дьиэ ахсаанынан Дьокуускай Уһук Илиҥҥи федеральнай уокурукка бастакы миэстэҕэ, Арассыыйа 100 улахан куораттарын иһигэр 16-с миэстэҕэ турар.

Хомунаалынай тиэхиньикэ уонна “Жилкомсервис” муниципальнай унитарнай тэрилтэ үлэһиттэрэ ириэрии саҕаламмытынан айылҕа уутун-хаарын оборторор үлэҕэ бэлэмнэнэллэр.

Бу үлэҕэ уопсайа 20 тиэхиньикэ уонна 38 суоппар тахсара былааннанар.