Олоҥхо ыһыаҕын кылаан кыайыылаахтара

Үс күн устата 40-тан тахса араас тэрээһин, күрэх ыытылынна. Ыһыах сабыллыытыгар өрөспүүбүлүкэ таһымнаах күөн күрэстэр кыайыылаахтарын чиэстээтилэр.

“Эр Бэрдэ” дэгит күрэс кыайыылаахтара:

• 1  миэстэ - Владимир Михайлов (Таатта улууһа), 250 тыһ. солк. бириэмийэлэннэ.
• 2 миэстэ - Владимир Федоров (Ньурба улууһа), 150 тыһ. солк.
• 3 миэстэ - Дьулустаан Ноговицын (Горнай улууһа), 100 тыһ. солк.

Бастыҥ хомусчут аатын Эльза Данилова (Бүлүү) ылла. Бирииһэ – үрүҥ көмүс хомус.

Бастыҥ оһуокайдьыттар – Айта Васильева (Таатта), Семен Менкяров (Бүлүү), 30-туу тыһыынча солкуобайынан наҕараадалыннылар.

Олоҥхоһуттар үс бөлөҕүнэн күрэхтэстилэр (саастарынан):

• Оҕолорго кыайыылааҕынан Юрий Мордовской (Нам) буолла, 100 тыһ. солк. бириистэннэ;
• Ыччаттарга – Саина Шамаева (Бүлүү) – 300 тыһ. солк.
• Улахан дьоҥҥо Гран-при – Виталий Никифоров (Мэҥэ Хаҥалас) – 700 тыһ. солк.

Ыһыах сабыллыытыгар Олоҥхо ыһыаҕын Ытык Дуоҕатын Кэбээйилэр Ленскэйдэргэ туттардылар. Олоҥхо ыһыаҕа эһиил Ленскэйгэ ыытыллыаҕа.