“Олоҥхо Ыһыаҕар” бары улуустар амтаннаах астарын көрдөрүөхтэрэ

Хас биирдии улуус бэйэтин кулинарнай визитнэй карточкатын — үгэс буолбут астартан уонна олохтоох астартан саҕалаан былыргы ырысыаптарга уонна аныгы интерпретацияларга тиийэ билиһиннэриэҕэ.

Тэрийээччилэр былаһаакка “өрөспүүбүлүкэ кулинарнай нэһилиэстибэтин ураты витрината” буолуоҕун бэлиэтииллэр. Кыттааччылар аһы-үөлү билиһиннэрэр эрэ буолбакка, бэйэлэрин сирдэрин-уоттарын, дойдуларын кулинарнай үгэстэрин тутуһар дьон туһунан кэпсиэхтэрэ. Сабыытыйа түмүгүнэн “Саха сирин улуустарын амтана” каталогы бары кыттааччылар ырысыаптарынан уонна историяларынан таһаарыахтара — эрэгийиэн гастрономическай култуурунай кодун бигэргэтээри уонна киэҥ аудиторияҕа тиийимтиэ оҥороору.

Хас биирдии улуустан 1-2 бэрэстэбиитэл кыттыан сөп. Сайаапкалар бэс ыйын 25 күнүгэр диэри ылыллаллар.