Олоҥхо ыһыаҕар 200-тэн тахса олоҥхоһут муһунна

Бу күннэргэ Нерюнгри Таастаах кэрэ-мааны сиригэр ыытылла турар Олоҥхо ыһыаҕын «Олоҥхо оспот омоон суолларынан» күрэҕэр Дьокуускай куораттан уонна өрөспүүбүлүкэ 16 улууһуттан 200-тэн тахса олоҥхону толорооччу кытта сылдьар.

Күрэххэ урукку Олоҥхо ыһыахтарын Гран-при бириэмийэлэрин кыайыылаахтара Мэҥэ Хаҥаластан Петр Тихонов (2013), Уус Майаттан Валентин Исаков (2014), Чурапчыттан Николай Григорьев (2018), Анатолий Христофоров, Намтан Лена Маркова 2019), Тааттаттан Алексей Николаев (2024) уонна араас таһымнаах күрэхтэр лауреаттара, дипломаннара кытта сылдьаллар.

Санатар буоллахха, быйылгы Гран-при бириэмийэ кээмэйэ улахан дьоҥҥо – 700 тыһ. солк.; ыччаттарга – 300 тыһ. солк.; оҕолорго – 100 тыһ. солк.; бөлөҕүнэн толоруу уонна импровизация күрэҕэр – 50 тыһ. солк. 
(Ил Дархан уонна Бырабыыталыстыба пресс-сулууспатын матырыйаалларынан) 

Хаартыска: Андрей Сорокин, СИА