Олоҥхо күнүгэр стипендиаттар ааттара билиннэ

Ил Дархан Айсен Николаев маннык истипиэндьийэ ананарын 2022 сылга олохтообута. Ол кэмтэн бэлиэр 107 киһи стипендиат буолбута.

Ол тэҥэ бүгүҥҥү үөрүүлээх күҥҥэ алта олоҥхоһут, оһуохай тылын таһаарар сэттэ киһи, алта уус уонна алта норуот маастара бэлиэтэннилэр. Кинилэр сыл устата 30 тыһ. солк. истипиэндьийэ  тутуохтара.

Быйылгы стипендия анаммыт:

Олоҥхоһуттартан –  Максим Дудкиҥҥа (Аллайыаха), Николай Дьячковскайга (Чурапчы), Раиса Марковаҕа (Таатта), Виталий Никифоров (Мэҥэ Хаҥалас), Семен Черноградскай (Уус Алдан) уонна Сунтаар улууһуттан –  Наталья Эконоваҕа.

Оһуохай тылын этээччилэртэн – Тамара Дмитриеваҕа (Ньурба), Валентина Дьячковскаяҕа (Чурапчы), Егор Егоровка (Үөһээ Бүлүү), Светлана Зедгенидзеваҕа (Сунтаар), Дмитрий Ивановка (Дьокуускай), Светлана Ивановаҕа (Бүлүү ) уонна Үөһээ Бүлүүттэн Айталина Мойтохоноваҕа.

Уустартан –  Николай Аржаковка (Дьокуускай), Елисей Баишевка (Мэҥэ Хаҥалас), Михаил Баишевка (Нам), Иван Павловка (Бүлүү), Василий Уаровка (Сунтаар)  уонна Уус Алдантан Александр Шепелевка.

Норуот маастардарыттан – Надежда Ахматоваҕа (Чурапчы), Елена Большаковаҕа (Үөһээ Халыма), Мария Быканова-Аммосоваҕа (Усуйаана), Дора Игнатьеваҕа,  Семен Черноградскага (иккиэн Хаҥалас улууһун олохтоохторо), Азияна Харлампьеваҕа (Дьокуускай) уонна Тааттаттан  Федор Чээрин.

Быйыл Олоҥхо киһи аймах култууратын материальнайа суох нэһилиэстибэтин шедевринэн билиниллибитэ лоп курдук 20 сыла туолла. 2006 сылтан саҕалаан, сыллата өрөспүүбүлүкэ таһымнаах Олоҥхо ыһыаҕа улуустарынан көһө сылдьан ыытыллар. Быйылгы Нерюнгри оройуонугар буолан ааспыта. Оттон Оһуохайбыт  2022 сыллаахха РФ норуоттарын култууратын материальнайа суох нэһилиэстибэтин 100 эбийиэгин испииһэгэр киирбитэ.

Ил Дархан үөрүүлээх тэрээһиҥҥэ Өрөспүүбүлүкэ Бырабыыталыстыбатыгар оройуоннарга баар Олоҥхо дьиэлэрин тиһигин сайыннарыыга эһиил 50 мөл. солк. аныырыгар сорудахтаата.

Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.

Хаартыска: Андрей Сорокин, СИА