Ойуунускай уонна Хабаров уулуссаларын өрөмүөнүн туһунан

«Куттала суох уонна хаачыстыбалаах суоллар» национальнай бырайыагы салҕыыр «Олох инфраструктурата» бырайыагынан 2025 сылга Дьокуускай куоракка уулусса өрөмүөнэ 12 эбийиэккэ уопсайа 15 км тахса усталаах кэрчиккэ ыытыллыаҕа. 
Маны сэргэ икки уулусса өрөмүөнэ 2027 сылга диэри салҕаныаҕа.
Ойуунускай уулуссатын хапытаалынай өрөмүөнэ Дежнев уулуссатыттан Октябрьскай уулуссаҕа диэри кэрчиккэ ыытыллыаҕа. Тутуу бэдэрээтчитэ – «Дороги Саха» САУо. Хантараак суумата – 810,73 мөл. солк.
Хабаров уулуссатын өрөмүөнэ Ярославскай уулуссатыттан Богатырев уулуссатыгар диэри кэрчиккэ ыытыллыаҕа. Бэдэрээтчит – «РИК Автодор» АУо. Хантараак суумата – 705,35 мөл. солк.
Санатар буоллахха, 2024 с. уулусса-суол ситимин өрөмүөнүн үбүлээһинэ 2,45 млрд солк. этэ, 31,495 км усталаах суол нуормаҕа эппиэттиир турукка тиэрдиллибитэ, ол эбэтэр үлэ 21 эбийиэккэ ыытыллыбыта. 
2019 сылтан уопсайа 155 учаастакка 195,11 км усталаах суол оҥоһуллан, куорат суолларын 81,94% ирдэбилгэ сөп түбэһэр таһымҥа таҕыста. Оттон 2019-24 сс. үбүлээһин иэнэ 13,75 млрд солк. этэ, диэн иһитиннэрэр Олохтоох дьаһалта пресс-сулууспата.