ОДьКХ өҥөлөрүгэр тарыып үрдээтэ

От ыйын 1 күнүттэн Саха сиригэр ОДьКХ өҥөлөрүгэр тарыып үрдээтэ. Ол ортотунан 13% тэҥнэстэ. Бу туһунан СИА иһитиннэрдэ.

Ол курдук:

• уот тарыыба 15,8 % үрдээтэ;

• кытаанах бөҕү тиэйии иһин өҥө – ортотунан 9,4%;

• айылҕа гааһа (ититии, ас астааһын иһин) – ортотунан 10,5%;

• кытаанах оттук (чох, мас) – 7%;

• ититии – 13%;

• итии уунан хааччыйыы – 13,6%;

• тымныы уунан хааччыйыы – 13,2%;

• ууну ыытыы – 13,1%;

• уотунан ититии – 14,6%;

Дьокуускайга олорор үс киһилээх дьиэ кэргэн хомунаалынай өҥө иһин төлөбүрэ ортотунан бачча улаатара сабаҕаланар:

• 63 кв. миэтэрэ иэннээх толору хааччыллыылаах кыбартыыраҕа – 1635 солк.;

• 48 кв. миэтэрэ иэннээх быстах хааччыллыылаах (ч/б) кыбартыыраҕа – 1425 солк.;

• 90 кв. миэтэрэ иэннээх гаас ититиилээх дьиэҕэ – 838 солк.

Саҥа тарыыбынан ааҕыллыбыт квитанциялары атырдьах ыйын саҥатыгар тутуохпут.

Бэлиэтээн эттэххэ, ОДьКХ өҥөлөрүгэр ороскуот дьиэ кэргэн уопсай дохуотуттан 15% элбэх буоллаҕына, субсидия ылыахха сөп.

Саха сирин элбэх оҕолоох ыалларыгар ОДьКХ өҥөлөрүгэр 30% чэпчэтии көрүллэр.

Маны сэргэ, инбэлииттэргэ, анал байыаннай дьайыы кыттыылаахтарыгар, бэтэрээннэргэ уонна сэрии кэмин оҕолоругар компенсация бэриллэр.