Оборона министиэристибэтигэр ЗАГС дааннайдарын ыларга көҥүл биэрээри гыналлар: Тоҕо?

Госдуума дьокутааттара сокуон барылын бастакы ааҕыыга бигэргэттилэр. Ылыллар түгэнигэр, Оборона министиэристибэтэ ЗАГС дааннайдарын электроннай ньыманан ылар кыахтаныа. Докумуон Госдуума базатыгар хайыы үйэ киирдэ.

Бу көҕүлээһин туохха наадатын быһаардахха, этиллэр уларыйыылар социальнай көмөнү уонна компенсацияны биэрии хаамыытын судургутутар сыаллаахтар. Билигин байыаннай сулууспалаахтарга, кинилэр дьиэ кэргэттэригэр, бэтэрээннэргэ чэпчэтиилэри эбэтэр төлөбүр ыларга элбэх докумуону хомуйуу ирдэнэр. Сокуон ылыллар түгэнигэр, Оборона министиэристибэтэ наадалаах иһитиннэриини, холобур, ыал буолуу, арахсыы, төрөөһүн эбэтэр өлүү туһунан, ЗАГС биир кэлим базатыттан быһаччы ирдиир кыахтаныаҕа.

Бу социальнай өҥөлөрү уонна компенсацияны оҥоруу хаамыытын чэпчэтиэхтээх уонна түргэтэтиэхтээх:

• байыаннай сулууспалаахтарга;

• гражданскай аармыйа үлэһиттэригэр;

• байыаннай сулууспа бэтэрээннэригэр;

• кинилэр дьиэ кэргэттэрин чилиэннэригэр.

Ону таһынан, бу даннайдары ылыы байыаннай учуоту чопчу тутарга көмөлөһүөҕэ — ол аата, сулууспалыахтаах эбэтэр саппааска баар дьон испииһэктэрин.