Оҕуруот аһын бүгүҥҥү сыаната

Атыыһыттар этэллэринэн, сыана мантан түһэрэ саарбах. Быйыл үүнүү өлгөмө суох.

“Мегатон” хаппыыста (норуокка биллэр аата “Слава”, тууһуурга саамай барсар суорт) – үгүс атыыһыттарга киилэтэ 80 солк. турар, ол эрэн көрдөөтөххө 75 солк. булуохха сөп.

Хортуоппуй үксэ Намтан, Хаҥаластан кэлэр эбит. Киилэтэ 120 солк, үчүгэйдик көрдөөтөххө 100 солк. Нам хортуоскатын булуохха сөп. Куулунан атыылаһарга түһэриэхтэрин сөп, сорох атыыһыттар дьиэҕэ аҕалан биэрэр өҥөлөөхтөр.

Сүбүөкүлэ Кытайтан кэлбит – 100 солк., олохтоох – 120-150 солк.

“Цветная капуста” – 350 солк.

Моркуоп – 80-120 солк.

Болгарскай биэрэс – 230-300 солк. Кинитэ суох биир да кэнсиэрбэбит сатаммат. Кытайтан, Узбекистантан аҕалаллар.

Олохтоох фермердэр кукурузалара киилэтэ 200 солк.

Помидор араас суордун 250 солк. саҕалаан ылыахха сөп. Дьон күөх помидору атыылаһан дьиэтигэр кытардар эбит.

Эриэппэ луук – 80 солк.

Оҕурсу – 200-250 солк.

›

1 / 6