Оҕуруот аһа билигин ханнык уоҕурдууга наадыйарый?

Калий мас күлүгэр элбэх.

Бу эбии аһатыыны хайдах бэлэмниибит?

• Бастатан туран, 1 ыстакаан сиидэлэммит ыраас күлү 1 биэдэрэ ууга кутан буккуйабыт. Онно 2 ост. ньуоска 9% уксус кутан, биир суукка хонноробут. Бу – маточнай раствор. Сарсыныгар мантан 1 лиитэрэни баһан ылан, атын ыраас уулаах биэдэрэҕэ кутан буккуйан, үүнээйилэргэ барытыгар – помидорга, оҕурсуга, биэрэскэ, баклажаҥҥа, арбузка, кабачокка, тыкваҕа, дыняҕа, хаппыыстаҕа, моркуопка, сүбүөкүлэҕэ, горохха, чеснокка, дьэдьэҥҥэ, клубникаҕа, сибэккилэргэ, о.д.а. – барытыгар кутуллар.

Эбии аһатыах иннинэ үүнээйилэрбитигэр үчүгэйдик уу кутабыт. Ол кэннэ биирдии укка биирдии лиитэрэ тиксэрин курдук кутан аһатабыт.

Аһатыыны уонча күнүнэн хатылыыр ордук.