Оҕону оскуолаҕа хайдах бэлэмниибит?

Эрэсиимҥэ киллэрэргэ бэлэмниир сүбэлэри болҕойуҥ:

1. Бастатан туран, күннээҕи эрэсиимин бэрээдэктиэххэ наада

Маныаха күн аайы утуйар, турар бириэмэтин сыҕарытан саҕалааҥ. Оскуола оҕото 9,5 чаас курдук утуйуохтааҕын умнумаҥ.

2. Хоһун саҥардар көмөлөһүөҕэ

Уруок ааҕар остуолун, кинигэтин долбуурун куолаан бэрээдэктээҥ, саҥа учебниктарга миэстэтэ бэлэмнээҥ, утуйар хоһугар уларытыыны киллэриҥ.

3. Туох барыта кыраттан саҕаланар

Үөрэнэр тэтэрээттэрин, туттар тээбиринин оҕо бэйэтэ талара ордук.

4. Тылгытын кэтэниҥ

«Чэ, көҥүл олох бүттэ, үөрэх саҕаланна» эҥин диэбит курдук тыллары, төһө да оонньуу-көр курдук буоллар, туттумаҥ. Маннык саҥа оҕону куттуон, долгутуон сөп.

5. Барытын биир күн саҕалыырга тиэтэйимэҥ.

Үөрэҕи, куруһуоктары тэҥҥэ саҕалыыр охсуулаах буолуон сөп. Ол иһин сыыйа киллэрэр ордук.

6. Оҕо оскуоланан эрэ олоруо суохтаах

Оскуола кэнниттэн доҕотторун кытта оонньууругар, күүлэйдииригэр бириэмэтэ хаалларыҥ.

7. Билии күнэ оҕоҕо бырааһынньык буолуохтаах.

Кафеҕа, дьиэҕэ даҕаны минньигэс астаах бырааһынньыкта тэрийиҥ, дьиэ кэргэнинэн күүлэйдээҥ.

Үөрэх дьылын саҕаланыыта үөрүү аргыстаах буоллун!