Оҕолору үлэ дьаарбаҥката күүтэр

Тэрээһин туһунан СӨ Нэһилиэнньэ дьарыктаах буолуутун судаарыстыбаннай кэмитиэтэ иһитиннэрэр.

Бэстибээлгэ быстах кэмнээх үлэ миэстэлэрин, стажировкалары уонна оҕолорго аналлаах эбии харчылаһыы туһунан иһитиннэриини булуохха сөп. Маастар-кылаастар, урбаанньыт буолуон баҕалаахтарга сүбэ-ама, интерактивнай оонньуулар ыытыллыахтара. Идэни талыыга туһуламмыт былаһааккалар уонна айар зоналар үлэлиэхтэрэ.

Бу күн оҕону лааҕырдарга, куруһуоктарга, устуудьуйаларга уонна спортивнай сиэксийэлэргэ суруйтарыахха сөп.

Бэстибээл үлэтин бириэмэтэ: 11:00–14:00 ч.

Билигин Дьарыктаах буолуу кэмитиэтэ куорат үлэ биэрээччилэриттэн сайаапкалары хомуйар. Билсэр төлөпүөн: 318-512.

Электроннай почта: moyarabota@czn.sakhaset.ru.