Оҕолорго 12 саастарыттан үлэлииллэригэр көҥүл биэриэхтэрин баҕараллар

Оҕолор үлэлиир саастарын 12-гэр диэри түһэрэри туруорустулар. Ити этиини Москватааҕы оҕо быраабын көмүскээччи Ольга Ярославская киллэрдэ.

Билигин сокуон чэпчэки үлэни 14 саастарыттан, ол эрээри төрөппүттэр суругунан сөбүлэҥнэрэ баар эрэ буоллаҕына, көҥүллүүр. 15 саастарыттан, өскөтүн уопсай үөрэҕи бүтэрбит буоллаҕына, оҕо бэйэтэ дуогабар түһэрсиэн сөп. 16 саастарыттан — эбии усулуобуйата суох уопсай төрүккэ олоҕуран.

Госдуумаҕа ити этиини ырыттылар. Оҕолору үлэҕэ ылыы сааһын 12-гэр диэри түһэриини бары өттүттэн дириҥник ырытыы ирдэнэр, диэн Госдуума үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин бэрэссэдээтэлэ Ярослав Нилов бэлиэтиир. Сүрүнэ, бу доруобуйаларыгар кыһалҕалары үөскэтиэ суохтаах, диэн дьокутааат РИА Сонуннарын кытта кэпсэтиигэ чопчулаата.