Оҕолор сылаас тохтобулу урусхаллаатылар

Олохтоох дьаһалта иһитиннэрбитинэн, обургу оҕолор тохтобул иһигэр киирэн, ыскаамыйа үөһэ ыттыбыттар уонна, тугу эрэ кистээри, тутуу үөһээҥҥи панелларын алдьаппыттар. Хобдох көстүүнү видеонан кэтээн көрөр камера барытын уста турбут, ол полицияҕа тиэрдиллэн, бэрэбиэркэ ыытыллар.

Өскөтүн бу дьону көрөн билбит буоллаххытына, колл-киин нүөмэригэр эрийиҥ: 300-900 эбэтэр быраабы араҥаччылыыр уорганнарга  тыллааҥ.

Санатан эттэххэ, куорат баайын, малын соруйан алдьатыы, буортулааһын иһин холуобунай эппиэтинэскэ тардыллыахха сөп:

- РФ ХК 214 ыст.;

- РФ ХК 167 ыст.

«Куорат инфраструктуратын эбийиэктэригэр харыстабыллаахтык сыһыаннаһаргытыгар ыҥырабыт. Сылаас тохтобуллар нэһилиэнньэ олоҕо табыгастаах уонна тупсаҕай буоларын туһугар туруоруллаллар», – диэтилэр Олохтоох дьаһалтаҕа.