Оҕоломмут дьоҥҥо кирэдьиит “каникула” уһуо

Ыал иккис уонна онтон кэлэр оҕото төрөөтөҕүнэ, ипотека кирэдьиитин төлөһөллөрө уустук түгэнигэр, ол төлөбүрдэрин балтараа сылга диэри тохтотон, уһатан иһиэхтэрин сөп буолла.
Ыал ийэтэ кырачаанын балтараа сааһыгар диэри оҕотун көрөн, үлэлээбэтин, босуобуйаҕа эрэ олорорун учуоттаабыт чинчилээхтэр.

Итинник «кирэдьиит каникула» бу сокуон ылыллыан иннинэ түһэрсиллибит ипотека дуогабарынан төлөһөөччүлэргэ эмиэ дьайар эбит.
Бу саҥа сокуон иннинэ оҕолоох дьиэ кэргэттэр кирэдьиит каникулун алта ыйга эрэ диэри уһатар кыахтаахтара уонна хас да усулуобуйаны толоруохтаахтара. Оттон билигин төлөһүүнү балтараа сыл тардан биэриэхтэрин сөп буолуоҕа.
Сорох маны улахаҥҥа уурбат буолуон сөп, оттон кимиэхэ эрэ уустуктан тахсар биир төһүү суол.