Оҕо ыарыйдаҕына төлөбүр кээмэйэ быһылынна

Аҕыс сылтан кыра үлэ ыстааска төлөбүр – 80%, оттон биэс сылтан кыра үлэ ыстааска төрөппүт орто хамнаһыттан 60% төлөнүөҕэ. Сэттэтигэр диэри саастаах оҕоҕо төрөппүт ыстааһыгар олоҕурбут кыччатыы кээписиэнэ туттуллубат, онон кини олохтоммут кээмэйтэн 100% ылар, диэн дьокутаат тоһоҕолоон бэлиэтээтэ.

Хамнас олох кыра эбэтэр үлэһит ыстааһа алта ыйтан кыра буоллаҕына, төлөбүр суумата МРОТ-ка олоҕуран ааҕыллар. Хамнас алын кээмэйэ быйыл 27 000 солкуобайы куоһарар. Онно сөп түбэһиннэрэн, больничнай биир күнүгэр саҥа төрүөҕүттэн сэттэтигэр диэри саастаах оҕо төрөппүтэ, ааспыт ыйга үлэ күнүн ахсааныттан көрөн, күҥҥэ 860-тан 980 солкуобайга диэри төлөбүрү ылыан сөп, диэн Стенякина быһаарда.