Оҕо сааспыт ырыата

Бу хас да көлүөнэни көччөх гынан көтүппүт айымньы ааптардара – композитор Аркадий Островскай уонна поэт Зоя Петрова. Оҕолорго анаммыт ырыа бэрт чэпчэкитик уонна түргэнник суруллубут.  

1964 сыллаахха балаҕан ыйын 1 күнүгэр «Спокойной ночи, малыши» бастакы биэриитигэр сүрэхтэммит. Онтон ыла үгүс көлүөнэ оҕону улаатыннарбыт.

Бастакы толорооччулартан биирдэстэрэ – Валентина Дворянинова.

Тыйаатыр уонна киинэ артыыһа, киинэ режиссера, ырыаһыт Олег Анофриев классическай толоруутун эмиэ өйдүүр буолуохтааххыт.

Элбэх сыл оҕо аймах күүтэр биэриитин Валентина Толкунова кэрэ куолаһа киэргэппитэ. Оттон 1970-с сыллар саҕаланыыларыгар артыыс, биэрии ыытааччытынан үлэлээбит Борис Рунге толоро сылдьыбыт.   

«В сказке можно покататься на луне» диэн тылларынан саҕаланар үһүс күппүлүөтү Зоя Петрова 1982 сыллаахха эбии суруйан биэрбит. Ол мультипликатор Александр Татарскай уонна Эдуард Успенскай пластилинынан дьүһүйүүлэригэр наада буолбут.

Биир кэмҥэ «Утуйаллар сылайбыт оонньуурдары» «Спи, моя радость, усни» ырыанан солбуйа сатаабыттар да, көрөөччүлэр көрдөһүүлэринэн норуот тапталлаах ырыатын күөх экраҥҥа төнүннэрбиттэр.