Оҕо саадыгар миэстэлэри тыырыы күнэ чопчуланна

Хайдах ааһарый?

“Госуслуги” порталыгар тус кэбиниэккэ сайабылыанньа биэрии бүппүтүн кэннэ, оҕо тустаах тэрилтэҕэ киирбитин туһунан иһитиннэрии тахсыаҕа. Сайабылыанньа туруга “Ыытылынна” диэн уларыйдаҕына, төрөппүт “Сөбүлэһэбин” диэни баттаан быһаарыытын бигэргэтиэхтээх. Бу кэнниттэн, балаҕан ыйын 1 күнүттэн оҕолорун киллэриини официальнай оҥорорго, оҕо саадын кытта тус бэйэлэрэ сибээстэһиэхтэрин наада.

Уочаракка турууну бэрэбиэркэлээһин

Регистрацияламмакка эрэ уочаракка миэстэҕин бэйэҥ бэрэбиэркэлиэххин сөп. Онуоха өрөспүүбүлүкэ үөрэхтээһин өҥөлөрүн порталыгар “Сайабылыанньаны көрдөөһүн” (“Поиск заявления”) диэн сирэйи туһаныҥ.

Төрөппүттэргэ сүбэ

Сүбэ наада буоллаҕына, сайабылыанньаҕа ыйыллыбыт уһуйааннарга быһаччы сибээстэһэргэ сүбэлииллэр. Оскуолаҕа киириэн иннинээҕи саастаах оҕолорго прием – оптуорунньук, сэрэдэ уонна чэппиэр 14:00 чаастан 17:00 чааска диэри.

Барыта дьэҥкэ буолар

Үөрэх министиэристибэтэ этэринэн, миэстэни тыырыы автоматическай систиэмэтэ бары кыттааччыларга төһө кыалларынан дьэҥкэ уонна сөптөөх оҥорор.

Хаартыскаҕа: "Спортивнай" түөлбэҕэ тутуллубут саҥа "Улыбка" уһуйаан