Оҕоҕо кетчуптаах, майонезтаах ас сөбө суох

Ол курдук, оскуола иннинээҕи саастаах оҕо рационугар куурусса буута суох буолуохтаах. Тоҕо диэтэххэ бу ас антибиотиктаах. Маны сэргэ оҕоҕо кетчуп, майонез, гаастаах утах сөбө суохтар. Минньигэһи, бурдук аһы эмиэ аҕыйатар ордук. Ол оннугар кыра оҕо күннээҕи аһылыгар сыата суох эт, балык, сымыыт, эриэхэ курдук белогунан баай ас баар буолуохтаах. Рациоҥҥа от күөҕэ өҥнөөх оҕуруот аһын, рис, гречка, перловка куруппалары киллэрэргэ кыһаныллыахтаах. Минньигэс фрукталары эбиэт иннинэ биэрэр ордук. Оттон үүт ас күнүс 16.00 чааска диэри үчүгэйдик иҥэр. Бэлиэтээн эттэххэ, Дьокуускайдааҕы «ЦРО» МАУ Дьокуускай куорат 39 уонна 40 №№-дээх оскуолаларын итии аһылыгынан хааччыйар. Соторутааҕыта Н.И. Шарин аатынан 39 №-дээх оскуола остолобуойа Бүтүн Арассыыйатаҕы күрэх лауреата буолбута. Остолобуой күрэххэ оҕуруот аһыттан фриттату, кууруссалаах уонна оҕуруот астаах паста, ристэн отон соустаах биточка, кыһыл балыктан уонна чыыртан фишбол курдук бүлүүдэлэринэн кыттыбыта. https://t.me/schoolfoodykt