30.10.2023 | 17:30

Оҕо креативнай кластера арылынна

Алтынньы 27 күнүгэр, 31-с №-дээх орто оскуолаҕа Оҕо креативнай кластера үөрүүлээх быһыыга-майгыга арылынна диэн оскуола пресс-сулууспата иһитиннэрдэ.
Оҕо креативнай кластера арылынна
Ааптар: Киин Куорат
Бөлөххө киир

Оҕо креативнай кластера – үөрэҕирии ураты туоната, Үүнэр көлүөнэ тус сыаллаах пуондатын көмөтүнэн аныгы тиэхиньикэнэн толору хааччылынна. Оҕолор креативнай индустрия эйгэтигэр прикладной дьоҕуру баһылыахтара, ити идэни талалларыгар төһүү күүһүнэн буолуоҕа.

Гыраан үбүнэн аныгы хаартыскаҕа түһэрэр уонна видеокамералар, объективтар, устуудьуйа уота, микрофоннар, графическай планшеттар, электроннай стабилизатордар уо.д.а. тэрил ылылынна.

«Манна кэлэн ылбыт эбии дьоҕургут инники олоххутугар булгуччу наада буолуоҕа. Ханнык эйгэҕэ үлэлииргититтэн, ханнык үөрэххэ киирэргититтэн тутулуга суох. Биһиэхэ 31-с №-дээх орто оскуола оҕолоро эрэ буолбакка, атын оскуола үөрэнээччилэрэ эмиэ дьарыктаныахтара», – диэтэ оскуола дириэктэрэ Алина Бубякина.

«Былырыын «Инносфера» диэн гыраан куонкуруһун чэрчитинэн акселерационнай бырагырааманы толкуйдаабыппыт. 2022 сылга 4 кыайыылаах баар эбит буоллаҕына, быйыл «Эльгауголь» ХЭТ көмөтүнэн 10 үөрэҕирии тэрилтэтэ гырааны ылла. Урбаан, уопсастыба уонна судаарыстыба бииргэ үлэлээһинэ үтүө түмүктээх буолуо диэн эрэнэбит», – диэн Үүнэр көлүөнэ тус сыаллаах пуондатын управлениетын начаалынньыга Сардана Попова санаатын үллэһиннэ.

«Оскуола салалтатыгар, партнердарга уонна оҕолорго кытаатан үөрэниҥ, айыҥ-тутуҥ, инники өттүгэр креативнай индустрия баһылыыр-көһүлүүр дьонунан буолуҥ диибит», – диэтэ эҕэрдэ тылыгар Үүнэр көлүөнэ тус сыаллаах пуондатын дириэктэрин солбуйааччыта Алексей Степанов.

Үөрүүлээх тэрээһин кэнниттэн 31-с уонна 24-с №-дээх орто оскуолалар үөрэнээччилэрэ бастакы дьарыктарга сырыттылар: афишаны оҥордулар, киинэ сыанатыгар сырдатыыны туруордулар, видеоролик дорҕоонун оҥордулар.

Үөрэх дьылын устата киин куорат оскуолаларын 7-11 кылаастарын үөрэнээччилэрэ дьоҕурдарын сайыннарыахтара, графическай дизайнҥа, видео уонна киинэ оҥоруутугар уо.д.а. креативнай бырайыактары олоххо киллэриигэ үөрэниэхтэрэ. Үлэлэрин түмүгэ кэлэр 2024 сыл ыам ыйыгар Оҕо креативнай кластерын бэстибээлигэр биллиэҕэ.

Кластер «Эльгауголь» ХЭТ үбүлээһининэн арылынна. Бырайыак «Инносфера-2023» гыраан күрэҕин оҕо инновационнай кииннэрин өйөбүлүгэр кыайыылааҕа. Тэрийээччилэр – Үүнэр көлүөнэ тус сыаллаах пуондата уонна СӨ Кэмиэрсийэтэ суох тэрилтэлэри уонна гражданскай көҕүлээһини өйөөһүҥҥэ уонна сайыннарыыга биир кэлим киинэ.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....