Оҕо иһин мөлүйүөн: саха хампаанньаларыгар төһөнү төлүүллэрий

Маннык иһитиннэрии муус устар 23 күнүгэр Дьокуускайга буолан ааспыт «Благоприятная психосоциальная рабочая среда и технологические инновации как основа устойчивого развития организации и человеческого капитала» диэн сессияҕа этилиннэ.

Тэрээһиҥҥэ бэлиэтээбиттэринэн, «Анаабыр алмаастара» АК оҥорор матырыйаалынай көмөтө хас да сыл устата барар, манна оҕо төрөөтөҕүнэ үлэһиттэргэ 50 тыһыынча солкуобайы төлүүллэр. Быйыл тохсунньу 1 күнүттэн «Сахатранснефтегаз» АК оҕо төрөөтөҕүнэ үлэһиттэргэ 150 тыһыынча солкуобайы төлүүр. Оттон биир мөлүйүөн солкуобайы «Саха сирин тимир суоллара» АК-ка көрүллэр. Эбиитин хампаанньаҕа икки төрөппүт үлэлиир буоллаҕына, төлөбүр хас биирдии киһиэхэ тиксэр.

Дьэ, үчүгэй өйөбүл баар эбит буолбаат. Онон, ыччат, кытаат, бу тэрилтэлэргэ үлэлии сылдьан оҕолонноххутуна, кырата суох көмөнү ылыыһыккыт.