Оҕо хас чаас уруогун ааҕыахтааҕый?

Дьиэтээҕи үлэ саамай уһаабыта бастакы кылааска биир чаастан саҕалаан үрдүкү кылаастарга үс аҥаар чааска диэри толоруллуохтаах. Бу быһа холоон нуормалары Үөрэх министиэристибэтэ бигэргэттэ, диэн биэдэмистибэ салайааччыта Сергей Кравцов эттэ.

Бастакы кылаас үөрэнээччилэригэр нуорма биир чаастан элбэҕэ суох, 2–3-с кылаастарга — балтараа чааска диэри, 4–5-с кылаастарга — икки чааска, 6–8-с кылаастарга — икки аҥаарга, 9–11-с кылаастарга — үс аҥаарга диэри. Бу барыта Роспотребнадзору кытта бигэргэнэн оҥоһуллубут.

“Вести” сонуннар сулууспаларын интервьютугар Кравцов бу кытаанах быраабылалар буолбатахтарын, учууталларга уонна төрөппүттэргэ үөрэнээччилэр ноҕуруускаларын тэҥнээн биэрэргэ көмөлөһөр ыйыылар буолалларын чуолкайдаата.