Оҕо босуобуйатын уһатарга этии киирдэ

Билигин ийэ хапытаалыттан төлөбүрдэри кыаммат ыаллар эрэ ылаллар, ол оҕо үс сааһын туоллаҕына түмүктэнэр. Буцкая төлөбүрү – 18 сааһыгар диэри, оттон колледжка эбэтэр үрдүк үөрэх кыһатыгар үөрэнэр буоллаҕына,  23 сааһыгар диэри уһатыахха наада диир.

Кини этэринэн, элбэх оҕолоох уонна кыаммат ыал дьахталлара “Ийэлэр сэбиэттэрин” кытта мэлдьи сибээскэ тахсаллар. Үс сыл ааспытын кэннэ, кинилэр оҕолоругар харчылара тиийбэт – оскуола таҥаһыгар да, кылаас таһынааҕы дьарыктарга да, үгэс буолбут сынньалаҥҥа да, диэн ТАСС иһитиннэрэр.

Буцкая бу санааны сөптөөх дии саныыр, ол эрээри салгыы сайыннарыыны эрэйэр. Кини миниистиртэн сокуон барылын оҥорорго сорудахтыырыгар көрдөстө.