Оҕо босуобуйата атыннык ааҕыллыаҕа: Хаһан буолуой уонна төһө сууманы күүтүөххэ сөбүй?

Арассыыйа Социальнай пуондата элбэх оҕолоох дьиэ кэргэттэргэ төлөбүрдэри ыам ыйын бүтүүтүттэн хаттаан көрүөҕэ. Бу туһунан Арассыыйа үлэҕэ уонна социальнай көмүскэлгэ миниистирэ Антон Котяков эттэ.

Биир кэлим босуобуйа диэн 17-гэр диэри саастаах оҕолоох ыалларга уонна 12-с нэдиэлэтин иннинэ учуокка турбут оҕо күүтэр дьахталларга төлөбүр. Көмө кээмэйэ дьиэ кэргэн дохуотуттан тутулуктаах уонна оҕолорго эрэгийиэннээҕи тиийинэн олоруу алын кээмэйин 50%, 75%, эбэтэр 100% тэҥнэһэр. Билиҥҥи быраабыланан, биир киһиэхэ тиийинэн олоруу алын кээмэйиттэн кыра дохуоттаах ыаллар кыттар бырааптаахтар.

“Ыам ыйын бүтүүтэ Социальнай пуонда быйыл тохсунньу 1 күнүттэн аккаас ылбыт дьоҥҥо көмөнү хаттаан ааҕан саҕалыаҕа”, диэтэ кини “Вести” интервьютугар.

Урут дохуоттара 10 %-тан тахса буолан босуобуйаттан аккаас ылбыт ыаллар билигин эрэгийиэннээҕи тиийинэн олоруу алын кээмэйин 50 %-гар тэҥнэһэр ыйдааҕы төлөбүрү ылыахтара. Бу сууманы биир сыл устата төлүөхтэрэ.

Котяков быһаарбытынан, уларыйыыга түбэспит ыаллар бары 2026 сыл тохсунньу 1 күнүттэн хаттаан ааҕыллыбыт төлөбүрдэри ылар кыахтаныахтара.