Оҕо бэрээдэгин хайдах сыаналыахтарай?

Бу туһунан Оҕо саас, дьиэ кэргэн уонна үөрэтии институтун сүрүн исписэлииһэ, үөрэх министиэристибэтин эспиэрэ Марина Конева иһитиннэрдэ.

Сыанабылы оҥорорго дириэктэр иитэр үлэҕэ сүбэһиттэрэ, логопед, дефектолог учууталлар, социальнай педагогтар, педагог-психологтар уонна предмет учууталлара кыттыахтара, диэн Конева РИА Сонуннарын кытта кэпсэтиигэ быһаарда. Сыаналааһын үс таһымнаах шкаланан барыаҕа: холобур буолар, көҥүллэнэр уонна көҥүллэммэт быһыы.

Эксперимент Арассыыйа 89 оскуолатын 1–8 кылаастарыгар номнуо ыытылла турар. Педагогтар үгүстэрэ үчүгэй өттүгэр уларыйыылары бэлиэтииллэр. Оҕолор бэйэ-бэйэлэрин үтүө хаачыстыбаларыгар болҕомтолорун уурар буолбуттар.

Кэлэр үөрэх дьылыгар хас биирдии эрэгийиэн уон оскуолатыгар үөрэх сыанатын киллэрэр былааннаахтар. Онтон өссө биир сыл буолан баран бу моделлары дойду бары уопсай үөрэхтээһин тэрилтэлэригэр киллэриэхтэрэ.