Нолуок “вычета” тута кэлэр буолуоҕа

Механизм сыала-соруга – Арассыыйа олохтоохторун сүүрүүттэн, бириэмэлэрин сүтэрбэттэриттэн босхолооһун.

Ол курдук, бастаан, наадалаах докумуоннары хомуйуоххун наада, онтон 3-НДФЛ нолуок декларациятын толоруохтааххын уонна туттарыы болдьоҕун кытаанахтык тутуһуохтааххын. Элбэх киһиэхэ, ордук биэнсийэлээхтэргэ уонна доруобуйаларынан хааччахтаах дьоҥҥо, маннык ирдэбиллэр улахан мэһэй буолаллар. Ол түмүгэр сокуон быһыытынан ылыахтаах харчыларын ылбаттар.

Парламентарий бары үлэни Федеральнай нолуок сулууспатыгар (ФНС) сүктэриини туруорсар. Кини, ФНС бэйэтэ төлөбүр сууматын ааҕан, бэлэм уведомлениены толорон баран, биирдиилээн киһиэхэ ыытарын көрөр. Нолуок уорганнара судаарыстыбаннай систиэмэлэртэн наадалаах дааннайдары ылыахтарын сөп: Росреестртэн, нолуок агеннарыттан, үөрэх тэрилтэлэриттэн.

Маныаха киһиэхэ “Госуслуги” порталыгар баар тус кэбиниэтигэр иһитиннэрии кэлэр. Сөбүлэҥҥин бигэргэтиэххин эрэ наада, ол кэннэ харчы счеккар киирэр.

Көҕүлээһин үп миниистирэ Антон Силуановка сурук быһыытынан официальнайдык бигэргэннэ. Докумуону ТАСС бэчээккэ таһаарда.

Этии ааптара бу ньыма туһаны эрэ аҕалыа диэн эрэллээх. Дьон аны кумааҕы үлэтигэр бириэмэни уонна күүһү-уоҕу бараабат буолуохтара, төлөбүрдэр түргэнник кэлиэхтэрэ, нолуок уорганнарын үлэлэрэ биллэ чэпчиэ.