Нолуогу икки төгүл кыччатыахтарын баҕараллар

Кинилэр үстэн элбэх сокуоннай саастарын ситэ илик оҕолоох нолуок төлөөччүлэргэ чэпчэтиилэрин киллэрэргэ этэллэр. Бу чэпчэтиилэр ханнык нолуок эрэһиимин талбыттарыттан тутулуга суох үлэлиэхтээхтэр. Бэйэ дьарыктаахтарга («самозанятайдарга») нолуогу физическэй сирэйдэртэн 4 %-тан 2 %-ҥа диэри, юридическай сирэйдэртэн уонна ИП-лартан 6 %-тан 3 %-кэ диэри түһэрэргэ этиллэр. Урбаанньыттарга (ИП) элбэх оҕолоох ыал статуһун иһин бары эрэсиимнэринэн нолуок ноҕуруускатын икки төгүл кыччатарга этии киирдэ.

Дьокутааттар бэлиэтииллэринэн, билиҥҥи нолуок миэрэлэрэ сүрүннээн наймылаһан үлэлиир дьоҥҥо туһуланар, онон элбэх оҕолоох урбаанньыттары уонна бэйэ дьарыктаахтары атарахсытар. Миронов санаатынан, нолуок ноҕуруускатын кыччатыы дохуоту легализациялыырга уонна элбэх оҕолоох ыаллар материальнай балаһыанньаларын тупсарыгар көмөлөһүөҕэ. Маны таһынан, ССТА иһитиннэрбитинэн, бу ньыма өссө да оҕолонорго быһаарыныыны ылынарга көмөлөһүөн сөп.