Үүнэр да буолар эбит!
Билигин хоһооҥҥо хоһуллар, ырыаҕа ылланар самаан сайын киэргэлэ кырдалларга, хонууларга тыллан, сүүһүнэн сүрэхтэри үөрдэ турар. Ол эрээри кэнники кэмҥэ Кыһыл кинигэҕэ киирбит нарын сибэкки хаамар да сир суох буолуор диэри хойуутук үүммүтүгэр дэҥҥэ эрэ түбэһиэххэ сөп. Айал Прокопьев оннук толоону илэ көрөн дьолломмут. Ол туһунан «Киин куоракка» бу курдук кэпсээтэ:
– Биһиги Таатта Чычымаҕар табаарыстарбытыгар сынньана, сөтүөлүү барбыппыт. Ол иннинэ сардааналаах хонуу баар диэн эппиттэрэ, хата ону көрүөхпүт диэбиппит. Хаһан даҕаны бу сибэккини харахтаабатах дьон айаннаан иһэн уонча турарын көрө-көрө үөрбүппүт. Онтон ити икки өттө тобус-толору сардааналаах толооҥҥо тиийбиппит! Бары ыһыы-хаһыы, сөҕүү-махтайыы бөҕө!
Биһиги дойдубутугар Өймөкөөҥҥө сардаана сибэкки үүммэт, онон бу кэрэ көстүүттэн олус астынныбыт. Аны сыл аайы итинник өлгөм буолбат үһү, бааттаах дьоҥҥут диэн алҕаан ыыттылар.
Сонуннар
Ордук ааҕаллар
