Нэдиэлэбит сылыйыа, өссө күммүт тыгыа!

Бэнидиэнньик, тохсунньу 19 күнэ

Бүгүн үүммүт нэдиэлэ саамай тымныы күнэ – -30°C, салгын баттааһына – 770 миллимиэтэрэ, тыала суох. Күнү-дьылы кэтээн көрөөччүлэр иһитиннэрбиттэринэн, күнүһүн кыралаан хаардыыр, тыал соҕуруулуу-арҕааттан сөкүүндэҕэ 5 миэтэрэ түргэннээхтик үрэр, салгын температурата – -28…-30 °.

Оптуорунньук, тохсунньу 20 күнэ

Бу күн сылыйар, ол эрэн былыттаах – Гисметео» чахчытынан салгын температурата -29 °C, оттон түүнүн -31 °C диэри түһүө, сөҥүүтэ суох, сөкүүндэҕэ 1 – 3 диэри мөлтөх тыаллаах .

Сэрэдэ, тохсунньу 21 күнэ

Нэдиэлэ ортотугар «Яндекс Погода» күнүһүн  -29 °C уонна түүнүн  -30 °C кыраадыс буоларын этэр. Сылаас эрэ буолбатах, өссө күммүт сандаарыччы тыгыа, ол да буоллар тымныы курдук буолуо, сөкүүндэҕэ арҕааттан 2 миэтэрэ тыал үрүө.

Чэппиэр, тохсунньу 22 күнэ

Күнүһүн -28 °C, түүнүн -31 °C диэри тымныйыа. «Яндекс Погода» иһитиннэрэринэн, күммүт эмиэ тыгыа, сөҥүүтэ суох, сөкүүндэҕэ 2 миэтэрэ мөлтөх тыаллаах.

Бээтинсэ, тохсунньу 23 күнэ

Үлэ нэдиэлэтин бүтэһигэ – саамай сылаас уонна күннээх буолара күүтүллэр: «Гисметео» иһитиннэрбитинэн, күнүһүн -27 °C, оттон түүнүн олох даҕаны  -26 °C диэри сылыйара сабаҕаланар. Сөҥүү түһэрэ күүтүллүбэт, оттон тыалбыт мөлтөх – сөкүүндэҕэ 1-тэн 5 миэтэрэҕэ тиийэ үрүө.