Нэдиэлэ бүтүөр диэри былыттаах күн-дьыл туруо

«Билигин Монголияттан иһэр циклон былыттара киин оройуоннарга, ол иһигэр Дьокуускайга, тарҕанар. Онон сарсын уонна өйүүн куоракка быстах ардахтар түһүөхтэрэ уонна бүтүннүү былыттаах күн-дьыл нэдиэлэ бүтүөр диэри турара күүтүллэр. Бүгүн түүн салгын температурата 0 кыраадыс буолуоҕа, сарсын күнүс +9-11 кыраадыс — эмиэ сөрүүн», — диэн Маршалик эттэ.

Салгын температурата өрөбүлгэ-бэнидиэнньиккэ сылыйан барыаҕа — күнүс +15 кыраадыска тиийиэҕэ.

Гидрометкиин начаалынньыга эппитинэн, куһаҕан күн-дьыл Өлүөнэ эбэ халаанын кытта сибээстээх буолбатах, ону сорохтор сыыһа өйдүүллэр. Оттон Өлүөнэ эбэ арыллыыта Дьокуускай аннынан ыам ыйын 17 күнүгэр күүтүллэр.