Научнай ааҕыыларга сайаапкалары күүтэллэр

С.П. Королев аатынан регионнар икки ардыларынааҕы уолаттарга аналлаах аһаҕас научнай ааҕыыларга сайаапканы ылыы кулун тутар 16 күнүгэр диэри уһаата. Бу туһунан Дьокуускайдааҕы үөрэх управлениета официальнай тг-ханаалыгар суруйар.

Сылын аайы ыытыллар научнай ааҕыылар, буоларын курдук, 2 түһүмэҕинэн барыахтара.

1-кы түһүмэх – сүүмэрдиир (кэтэхтэн ыытыллар). Куонкурус экспердэрин хамыыһыйата киирбит үлэлэри кулун тутар 17-21 күннэригэр сыаналыа. Бастыҥ бырайыактар иккис түһүмэххэ кыттар быраабы ылыахтара.

2-с түһүмэх – түмүктүүр (очнайдык буолар). Бастакы түһүмэҕи туораабыт кыттааччылар кулун тутар 26-28 күннэригэр Дьокуускай куоракка кэлэн үлэлэрин көмүскээн, сирэй кыттан күөн көрсүөхтэрэ.

Кыттыан баҕалаахтар сайаапкалары үөрэх управлениетын ханаалыгар ыйбыт анал форматын толорон ыыталлар. Сиһилии билсэр нүөмэргит: 8(4112) 42-06-43, 8(4112) 40-28-04

Хаартыска: Дьокуускайдааҕы үөрэх управлениетын тг-ханаалыттан