Наркотигы кытта ситимнээх буруйу оҥоруу 83,5% намтаабыт

Маннык чахчылары ИДьМ тырааныспарга управлениетын бэрэстэбиитэлэ Андрей Зароченцев баһылык Дмитрий Садовников бэрэссэдээтэллээх Наркотигы утары хамыыһыйа мунньаҕар иһитиннэрдэ.

Олохтоох дьаһалта территориялары кытта үлэҕэ департаменын салайааччыта Александр Скрябин бэлиэтээбитинэн, наркодилердар кистиир суруктарын булууга уонна суох гыныыга управалар улахан көмөнү оҥороллор. Ол курдук, сыл саҕаланыаҕыттан управалар исписэлиистэринэн маннык хабааннаах 20 сурук суох оҥоһуллубут. 

Дмитрий Садовников манан сибээстээн наркотик туһунан биллэриилэри, суруктары тарҕатар дьону харыларыттан харбаабыт гражданнарга бириэмийэ олохтуур туһунан этиини киллэрдэ.

Санатар буоллахха, 2024 сылтан Дьокуускайга «Профилактика правонарушений, экстремизма, терроризма и межнациональных (межэтнических) конфликтов» диэн муниципальнай бырагыраама үлэлиир.