Национальнай бибилэтиэкэ медиа киинин видеорепортаһа бүтүн Арассыыйатааҕы күрэххэ кыттар

СӨ Национальнай бибилэтиэкэтэ Саха сиригэр ыытыллыбыт “Зеркало традиций” уруу сиэрин-туомун бэстибээлин туһунан кэпсиир видеорепортаж устубут. Билигин норуот куоластааһына буолар турар. Онлайн куоластааһын алтынньы 12 күнүгэр диэри ыытыллар: https://vkvideo.ru/video-192144349_456239747

Саха сиригэр быйыл Култуура сыла биллэриллэн, А.Е.Кулаковскай аатынан Норуоттар доҕордоһууларын киинигэр араас омуктар урууларын сиэрин-туомун биир сиргэ түмэн бэстибээлгэ көрдөрбүттэрэ – сахалар, кэриэйдэр, кыргызтар, нууччалар, армяннар общиналара кыттыбыттара.

“МЫ” IV Бүтүн Арассыыйатааҕы этническай видеоконтент күрэҕэ Арассыыйаҕа олорор араас омуктар алтыһыыларын, омук быһыытынан уратыларын киэҥник биллэрэр, тарҕатар сыаллаах. Манна Арассыыйаттан уонна тас дойдулартан оонньонор, документальнай киинэлэри, репортажтары, анимационнай видеолары ыытан кытталлар, ону тэҥэ сценарий, кэпсээн суруйуутугар күрэхтэһэллэр.

Бырайыак Бэрэсидьиэн култуурунай көҕүлээһиннэри өйүүр пуондатын көмөтүнэн олоххо киирэр.