Музыка уонна фольклор музейыгар саҥа оборудование кэллэ

Саха сирин норуоттарын музыкатын уонна фольклорун музейа «Дьиэ кэргэн» саҥа национальнай бырайыак «Дьиэ кэргэн сыаннастара уонна култуура инфраструктурата» бырагырааматынан хас да суол саҥа оборудованиенан хааччылынна.

Ол курдук, музейга манекеннар, эскпонаттары харайар ыскааптар, телемост ыытар экран, спикерфон, видеопроектор, камера, музыкальнай колонкалар, микшердар уонна икки ханааллаах радиосистема, компьютер, интерактивнай панель кэлэн турдулар.

Култуура миниистирэ Афанасий Ноев бэлиэтээбитинэн, аныгы оборудованиенан хааччыллыы тэрилтэ үлэтин хаачыстыбатын тупсарарын таһынан, култуура нөҥүө дьиэ кэргэн сыаннастарын бөҕөргөтүүгэ ананар. 
Өрөспүүбүлүкэ үрдүнэн быйыл уопсайа 22 култуура тэрилтэтин аныгы тэхиньиичэскэй тэрилинэн хааччыйыы ситиһиллиэҕэ. 

Санатар буоллахха, дойду баһылыга Владимир Путин көҕүлээһининэн 2025 сылтан «Култуура» нацбырайыагы «Дьиэ кэргэн» саҥа национальнай бырайыак солбуйар. Бу бырайыак «Дьиэ кэргэн сыаннастара уонна култуура инфраструктурата» региональнай бырагырааматынан 175 мөл. солк. тахса үп тыырыллар, диэн Ил Дархан унонна Бырабыыталыстыба пресс-сулууспата иһитиннэрэр.