Музыка үрдүкү оскуолатын саҥа дьиэтэ 2026 сылга үлэҕэ киириэҕэ

В.А. Босиков аатынан Музыка үрдүкү оскуолатыгар саҥа дьиэ тутулларынан Ил Дархан Айсен Николаев үөрэх кыһатын инники былаанын торумнуурга сорудахтаата.

Ил Дарханы кытта көрсүһүүгэ ректор Надежда Зайкова тутуу «Сэттэ» хампаанньа көмөтүнэн график быһыытынан баран иһэрин иһитиннэрдэ.
Санатар буоллахха, Музыка үрдүкү оскуолата дойду баһылыга Владимир Путин сорудаҕынан тутуллар уонна 2026 сылга үлэҕэ киириэхтээх. Манна 150 миэстэлээх интэринээттээх, 240 диэри устудьуон үөрэнэр куорпустаах. Бырайыагы олоххо киллэриигэ федеральнай бүддьүөттэн 1,5 млрд солк. тахса үп көрүллүбүтэ.
Музыка үрдүкү оскуолата 1993 сыллаахха Бастакы Бэрэсидьиэн Михаил Ефимович Николаев көҕүлээһининэн төрүттэммитэ, диэн Ил Дархан уонна Бырабыыталыстыба пресс-сулууспата иһитиннэрэр.

Хаартыска: Андрей Сорокин, СИА