Муус устар ыйтан Ефимов уулусса өрөмүөнэ саҕаланар

Тутар-монтажтыыр үлэ түмүктэннэҕинэ, суоппардар Ефимов уулуссаттан Хабаров, Чернышевскай уонна Ярославскай уулуссаларга судургутук тахсан, сатыы уонна бэлисипиэттээх дьон куорат киинигэр түргэнник уонна куттала суох тиийиэхтэрэ диэн бэлиэтииллэр.

Бырайыакка икки миэтэрэ кэтиттээх тротуар уонна 2,5 миэтэрэ кэтиттээх бэлисипиэт суола киирэр. Суол икки балаһалаах буолуоҕа.

Суол бүтүннүү аспаалынан бүрүллүөҕэ, икки өттүгэр ардах уутун ыытар дренаж туруоруллуоҕа, уот линията уонна таһынааҕы канализация систиэмэтэ саҥардыллыаҕа, 16 устуука таһырдьаны сырдатар баҕана туруоруллуоҕа, уонна массыына туруорарга аналлаах үс сир оҥоһуллуоҕа.

Бэдэрээтчитинэн “РИК Автодор” АУо, сакаасчытынан “Главстрой” МКУ буолаллар. Тутуу үлэтэ балаҕан ыйыгар саҕаланыаҕа, эбийиэги 2026 сыл ахсынньы 30 күнүгэр үлэҕэ киллэрэргэ былаанныыллар.