“Муус устар” ыччат бэстибээлэ икки сылга биирдэ ыытыллыаҕа

Бэстибээл бүддьүөт таһынааҕы үбүлээһининэн өйөнөр. Быйыл ордубут үп улахан суолталаах социальнай тэрээһиннэргэ барыаҕа.

“Муус устар” Саха сиригэр 2021 сылтан ыытыллар. Кэнники биэс сылга өрөспүүбүлүкэбитигэр биир саамай тутаах сабыытыйанан уонна дойдуга ыччат биир сүрүн бэстибээлинэн буолла.

Сыала-соруга – эдэр талааннары өйөөһүн. Тэрийээччи – Саха Өрөспүүбүлүкэтин Бырабыыталыстыбата, генеральнай спонсор “Эльга” хампаанньа өйөбүлүнэн ыытыллар.

Былырыын ыччат V бэстибээлигэр бары оройуоннартан уонна куорат уокуруктарыттан 25 тыһыынчаттан тахса киһи кыттыбыта. “Муус устар” бэстибээл түмүктүүр тэрээһинэ “Өрөгөй” спорт уораҕайыгар 5000-тан тахса киһини түмпүтэ.