Муус устар 1 күнүттэн өрүстэргэ айан уйуга түһүмэҕинэн намтыаҕа

“Бүлүү” федеральнай суол управлениетын бас билиитигэр киирэр “Бүлүү” уонна “Халыма” федеральнай трассаларыгар муус устар 1 күнүттэн – 30 туоннаҕа диэри, оттон муус устар 8 күнүттэн 20 туоннаҕа диэри намтатыахтара. Муус устар 15 күнүгэр суоллары сабары былаанныыллар. Бу Өлүөнэ өрүс үрдүнэн сүрүн муус туорааһыныгар сыһыаннаах “Дьокуускай – Аллараа Бэстээх”, Бүлүү өрүһү туоруур түөрт суол уонна Алдан өрүс туорааһына.

Күн-дьыл туругунан сибээстээн, “Алдан” айан суолугар эрдэтээҥҥи куттал суох буолуутун миэрэлэрэ киирдилэр. Кулун тутар 19 күнүттэн Дьабарыкы Хайа – Охотскай Перевоз учаастагар таһаҕас кыамтатын 20 туоннаҕа диэри кыччаппыттара.

Хатас уонна Павловскай икки ардыларынааҕы өрүһү туорааһыҥҥа 40 туоннаҕа диэри уйуктаах тиэхиньикэлэргэ сырыы баар. Кангалаас – Суотту хайысха 30 туоннаҕа диэри уопсай ыйааһыннаах массыыналары көҥүллүүр.

Өрүстэри туорааһын күннээҕи мониторина муус устар 1 күнүттэн саҕаланыаҕа.

Онон, муус устар 1 күнүттэн өрөспүүбүлүкэ үрдүнэн туоруур сирдэр таһар кыахтарын сыыйа-баайа кыччатыы саҕаланыаҕа, муус устар 15 күнүгэр киин улуустарга өрүс туорааһыннара сабыллаллар, тырааныспар бары көрүҥэ бобуллар. Хотугу уонна Арктика оройуоннарыгар туорааһыннар муус устар 20-24 күннэригэр сабыллыахтара.

Күн-дьыл туругуттан көрөн сорох айан суола ыйыллыбыт болдьохторун иннинэ сабыллыахтарын сөп.