Муниципальнай аптекалар көдьүүстэрин үрдэтэр сорук турар

Куорат дууматын социальнай өйөбүлгэ уонна нэһилиэнньэ доруобуйатын харыстабылыгар Алена Никитина бэрэссэдээтэллээх, дьокутааттар Нина Горбунова, Саргылана Васильева, Евдокия Евсикова састааптаах сис кэмитиэтэ «Дьокуускай куорат аптекалара» муниципальнай унитарнай тэрилтэ үлэтин-хамнаһын дьүүллэстэ.

«Дьокуускай куорат аптекалара» МУП генеральнай дириэктэрэ Владимир Аммосов иһитиннэрбитинэн, бүгүҥҥү күҥҥэ киин куорат үрдүнэн 21 муниципальнай аптека баарыттан 5-һэ куорат таһынааҕы нэһилиэктэргэ үлэлиир.

Мунньах кыттыылаахтара мунципальнай аптекалар дохуота суох үлэлииллэриттэн тэрилтэ кредиторскай иэстээҕин дьүүллэстилэр. Ол эрээри сорох аптекалар сүҥкэн социальнай кыһалҕаны быһааралларын - чэпчэтиилээх эми биэрэр аналлаахтарын чопчулаатылар.

Манан сибээстээн дьокутааттар куорат таһынааҕы нэһилиэктэргэ баар аптека пууннарыгар өйөбүл миэрэлэрин тобуларга этии киллэрдилэр, диэн Куорат дууматын пресс-сулууспата иһитиннэрэр.