Мохсоҕоллоох – Хачыкаат: паром сырыытын болдьоҕун көһөрдүлэр

Өлүөнэ эбэҕэ муус хойуутук устар буолан, Мохсоҕоллоох – Хачыкаат хайысханан паром сырыытын болдьоҕо көһөрүлүннэ. Бу туһунан СИА-ҕа Хаҥалас улууһун Хачыкаат нэһилиэгин баһылыга Ирина Оболкина иһитиннэрдэ.

«Паромнар билигин да сылдьа иликтэр. Муус бысталанан, тохтообокко устар. Буотама үөһээ өттүгэр муус хойуутук мустубут, ол иһин манна кэлэр. Биэрэккэ массыына аҕыйах, таһаҕас тиэйэр массыыналар паром кэтэһэ таарыйа суол кытыытынааҕы кафеларга барбыттара», – диэн кэпсээтэ Ирина Оболкина.

Бэлиэтээн эттэххэ, эрдэ паром сырыытын Хаҥалас улууһугар ыам ыйын 20–22 күннэригэр саҕалыыр былааннаахтара. Мохсоҕоллоох – Хачыкаат хайысхатыгар «СПЖ-107», «СПЖ-99», «Агат» уонна «Виктория-2» диэн түөрт паром үлэлиэхтээх.