Хаһаайкаларга

Минньигэс аджика

Эһиэхэ наада:

2 кг үчүгэй помидор;

1 төбө чеснок;

3 ост. нь. кыһыл биэрэс тумата;

2 ост. нь. корица;

1 ост. нь. базилик;

3 ост. нь. саахар;

2 ост. нь. паприка;

3 ост. нь. томат пастата;

2 ост.нь. хара биэрэс тумата;

1 ост. нь. 70%-наах  уксуус.

Помидорбутун сууйан, мясорубкаҕа эрийтэрэбит. Ордук убаҕаһын сиидэлиэххэ сөп. Салгыы помидорбутун 20 мүнүүтэ устата тумаларбытын кытта кутан, булкуйан оргутабыт. Итии аджиканы ыраас бааҥкаларга кутабыт, сөрүүн сиргэ сойутабыт.

Дьаабылыкаттан хомпуот

Биһиэхэ, биллэн турар, оҕуруоппутугар дьаабылыка өлгөмнүк үүммэт эрээри, маҕаһыыннарга араас суорда атыыланар. Бу кэмҥэ оҕуруот аһа, фрукта ситэн, ордук минньийэн эрдэҕэ.

Дьаабылыканы үчүгэйдик сууйабыт, хахтыыбыт. Амтаннаах, минньигэс хомпуоту оҥорорго улахан, бөдөҥ, кытаанах дьаабылыканы ылар ордук. Ордук күөх дьаабылыка барсар. Бэлэмнэммит аспытын саахарга уган сүмэһинин таһаарабыт. 2-3 чаас турбутун кэннэ кубиктыы кырбаммыт дьаабылыканы орто уокка биэс мүнүүтэ тэптэрэн ылабыт. Ол кэннэ уоттан ылан, 5-6 чаас сойутабыт уонна ыраас бааҥкаларга кутан сойутабыт.