Миграннарга госпошлина 12 төгүл үрдээтэ

Арассыыйа гражданствотын оҥорторуу иһин пошлина 4,2 тыһыынча солкуобайтан 50 тыһыынча солкуобайга диэри үрдээтэ — 12 төгүл. Быстах кэмҥэ олорорго көҥүлү ылар иһин 1,9 тыһыынча солкуобай оннугар 15 тыһыынча солкуобайы төлүөххэ наада (8 төгүл үрдээтэ). Олохсуйа хаааларга (вид на жительство) пошлината 5 төгүл үрдээтэ — 6 тыһыынчаттан 30 тыһыынча солкуобайга диэри. Омук исписэлииһин үлэлэтиигэ көҥүл биэрии иһин пошлина хас биирдии киһи ахсын 15 тыһыынча солкуобайга тиийдэ.

Сокуон чэпчэтиилэри көрөр. Гражданствоны ылар иһин төлөбүртэн ССРС урукку гражданнара – дойдуларыгар төннүбүттэр уонна кинилэр дьиэ кэргэттэрэ босхолоноллор. Ону тэҥэ, Арассыыйа Бэрэсидьиэнин ыйааҕынан дойдуга интэриэстээх диэн билиниллибит дьон быстах кэмҥэ олорорго төлөбүртэн эмиэ босхолоноллор.

Атын сокуонунан Арассыыйа гражданствота баарын эбэтэр суоҕун туоһулуур докумуону биэрии иһин 4,2 тыһыынча солкуобайдаах пошлинаны суох гыммыттар. Бу процедура бары сайаапкалааччыларга босхо буолар.