Метан уматыктаах оптуобус сылга 1,6 мөл. солк. курдугу кэмчилиир

«Дьокуускай уулуссаларынан сүүрэр биир саҥа кыһыл оптуобус сылга 1 600 000 солк. курдугу кэмчилиир. Тоҕо диэтэххэ метан бензинтэн, дизельтэн үс бүк чэпчэки», – диэн промышленнас миниистирэ Максим Терещенко социальнай ситимнэргэ иһитиннэрэр.

Санатар буоллахха, өрөспүүбүлүкэ салалтата судаарыстыбаннай уонна муниципальнай тэрилтэлэр автопааркаларын метаҥҥа көһөрөр соругу туруорбута.

Бүгүҥҥү күҥҥэ Саха сиригэр 20 000 тиэхиньикэ гаас уматыкка көһөрүллэн турар. Өрөспүүбүлүкэ 29 улууһугар 67 гаас заправката үлэлиир. Ол түмүгэр, промышленнас министиэристибэтин чахчытынан, атмосфераҕа сера, бензол, углекислай гаас курдук буортулаах эттик быраҕыллыыта 20 000 туоннанан кыччаабыт.