Медиктэр хорсун быһыыларын туһунан быыстапка аһыллар

Быыстапкаҕа кыргыһыы хонуутуттан бааһырбыттары таһаарыы түһүмэхтэрэ көрдөрүллүөхтэрэ уонна Аҕа дойду Улуу сэриитин сылларыгар мэдиссиинэ үлэһиттэрин ураты хорсун быһыыларын кэпсиэхтэрэ.

Мультимедийнай бырайыак сэрии кэмигэр мэдиссиинэҕэ, санитарияҕа уонна доруобуйа харыстабылын систиэмэтин салайыыга аналлаах. Быыстапкаҕа байыаннай быраас, сиэстэрэ, санинструктор уонна бааһырбыт саллаат экспозициялара туруохтара. Тэрийээччилэр доруобуйа харыстабылын салайыы көдьүүстээх систиэмэтин, мэдиссиинэ үлэһиттэрин ыарахан үлэлэрин, идэлэригэр бэриниилэрин уонна дойдуларыгар тапталларын көрдөрүөхтэрэ.

Сэрии сылларыгар Кыһыл Аармыйа кэккэтигэр 34 мөлүйүөн байыаннай сулууспалаах ыҥырыллыбыта. Итинтэн 22 мөлүйүөнэ мэдиссиинэ батальоннарын уонна эвакогоспиталлары ааспыта, ол кэннэ 18 мөлүйүөн саллаат сулууспаҕа төннүбүтэ. Аан дойдуга атын ханнык да аармыйа маны ситиһэр кыаҕа суох этэ.

Сааһынан хааччахтааһын: 12+

Күнэ уонна бириэмэтэ: ыам ыйын 7 күнэ, күнүс 14:30 ч.

Буолар сирэ: «Арассыыйа – мин историям» (К.Д. Уткин уул., 5).

Хаартыска: ИA SakhaNews.