Медчааттары туһан

Саха сирин Доруобуйа харыстабылыгар министиэристибэтэ тelegram-ханаалга олус туһалаах «Здравконтроль» медчат баарын санатар. Бу манна биэдэмистибэ тэрилтэлэрэ бары холбоммуттар. Онон өрөспүүбүлүкэ олохтоохторо ити чааттарга бэнидиэнньиктэн саҕалаан субуотаҕа диэри сарсыарда 8 чаастан киэһэ 20 чааска диэри ыйытыыларын ыытан, мунаахсыйбыт боппуруостарын быһааттарыахтарын сөп. Онуоха маннык сигэлэри баттаан киирэҕит:

Бу бырайыагы «Социальная сфера» пуонда Арассыыйа Уопсастыбаннай палаататын кытта олоххо киллэрбиттэрэ. Билэр дьон балай эмэ сөбүлээн туһанар. Бу ааһан эрэр 2025 сыл инники 11 ыйыгар бу сигэлэри 1287 киһи туһаммыт.

Медчаттарга ханнык түгэҥҥэ көмөлөһүннэриэххэ сөбүй?

- Бырааска эрдэттэн суруйтарыыга уустугу көрсүбүт, кыаллыбатах түгэнигэр;

- Дьиэҕэ бырааһы ыҥырарга кыһалҕаланнахха;

- Доруобуйаны чинчийэн көрөргө эбэтэр анаалыс туттарарга анаммыт, бэриллибит болдьох тутуһуллубат буоллаҕына;

- норматив докумуоннарын быһаартарыы наадата тирээтэҕинэ, ыйытыылар, өйдөммөт түгэннэр үөскээтэхтэринэ;

- медик этикатын уонна деонтологиятын кэстэхтэринэ;

- сокуоннайа суох ирдэбил баар диэтэххэ эбэтэр ОМС көмөтүнэн босхо оҥоһуллар кыахтаах түгэнигэр медицина төлөбүрдээх өҥөтүн соҥноотохторуна уо.д.а.