MAX мессенджер нөҥүө 8 тыһ. тахса больничнай лиис тэйиччиттэн сабыллыбыт

Доруобуйа харыстыбылын министиэристибэтэ иһитиннэрэринэн, бүгүҥҥү күҥҥэ Саха сиригэр 8 тыһ. тахса больничнай лиис быраас уонна үтүөрбүт киһи сирэй көрсүһүүтэ суох, тэйиччиттэн сабыллыбыт.

Чуолаан, ыарыһах доруобуйатын туруга чөлүгэр түстэҕинэ, эмтэнэн бүттэҕинэ, МАХ мессенджер сыһыарыытын көмөтүнэн бырааһы кытта онлайн-консультацияҕа суруйтарарыгар «Закрытие больничного листа» диэни баттыыр. Онон докумуон ыарыһах поликлиникаҕа кэлэрин күүппэккэ быһалыы оҥоһуллар уонна киниэхэ МАХ иһигэр баар «Госуслуги» чат-ботугар иһитиннэрии кэлэр. Бэлиэтээн эттэххэ, бырааска суруйтарарга эбэтэр больничнай лииһи сабарга МАХ сыһыарыы @zapismzsakha_bot чат-бота көмөлөһөр.

Санатар буоллахха, Арассыыйаҕа 2022 сылтан больничнай лиис электроннай формакка көһөрүллүбүтэ. Ол эбэтэр быраас электроннай илии баттааһыннаах докумуон Социальнай пуондаҕа уонна үлэни биэрээччигэ быһалыы барар буолбута.

Маннык онлайн-сервистэр дойду баһылыга Владимир Путин көҕүлээбит «Уһун уонна көхтөөх олох» («Продолжительная и активная жизнь») нацбырайыак, «Биир ньыгыл Арассыыйа» партия «Здоровое будущее» бырайыагын, ону тэҥэ Ил Дархан Айсен Николаев «Саха Өрөспүүбүлүкэтигэр уопсастыба доруобуйатын бөҕөргөтүү уонна доруобуйа харыстабылын тиһигин сайыннарыы стратегическай хайысхаларын туһунан» стратегическай ыйааҕын иитинэн олоххо киирэллэр.