Математика учууталлара күрэхтэстилэр

"Зажги звезду-2025" Дьокуускай куорат эдэр математика учууталларын куонкуруһун кыайыылааҕынан 31-с N-дээх орто оскуола учуутала Рада Алексеевна Васильева буолла!

Куонкурус 3 бастакы түһүмэҕин туораабыт 11 математика учуутала Саха политехническай лиссиэй аактабай саалатыгар буолбут тэрээһиҥҥэ кытыннылар.
Дьокуускай куорат үөрэҕириигэ управлениетын начальнига Мария Петрова эҕэрдэ тылы этэригэр математика учуутала хас биирдии оскуолаҕа үөрэтии хаамыытыгар дьоһун оруоллааҕын бэлиэтээтэ. Куонкурус куорат педагогтарын холбоһугун эдэр састаабын сайыннарар, кыттааччылары методика өттүнэн өйүүр, идэтийиилэрин таһымын үрдэтэр соруктаах ыытылларын, куорат математикаҕа учууталларын методическай холбоһуга биллэр педагог, 2-с N-дээх НПСОШ дириэктэринэн үлэлээбит Светлана Васильевна Стручкова аатын үйэтитэр үлэни ыытарыттан үөрэрин эттэ. 
Куонкурус түмүгүнэн кыайыылаах ааттанан, уокуруктааҕы дьаһалта үөрэҕириигэ управлениетын  дипломунан уонна анал бирииһинэн наҕараадаланна. Кыттааччыларга анал ааттар иҥэриллэннэр анабыл бириистэри туттулар.
Тэрээһин официальнай чааһыгар күн бүгүн куорат оскуолаларыгар математика учууталынан 325 педагог үлэлиирэ этилиннэ.

 Дьокуускайдааҕы үөрэҕирии управлениетын телеграм-каналыгар иһитиннэриититтэн.