Массыанньыктарга 7,5 мөлүйүөнү ыыппыттар

СӨ ИДьМ пресс-сулууспата иһитиннэрэринэн, 67 саастаах Ленскэй олохтооҕо дьахтарга “ФСБ сотруднига” эрийбит уонна тус дааннайыҥ массыанньыктарга барда диэбит. Дьахтар банкомат нөҥүө массыанньыктарга 4 мөлүйүөнү ыыппыт. 10 хонон эрэ баран албыннаппытын өйдөөн, полицияларга үҥсүбүт.

Дьокуускайга 25 саастаах кэрэ аҥаар биржаҕа харчы өлөрөөрү массыанньыктарга киирэн биэрбит. 3,5 мөл. солк. кирэдьиит киирэн ылбыт уонна түөкүттэргэ ыыпыт. Эмиэ 10 хонугунан кыыс полицияларга кэлбит. Холуобунай дьыала көбүтүллүбүт.

Полиция өссө төгүл санатар: Быраабы кэтиир уорганнар хаһан даҕаны төлөпүөнүнэн силиэстийэни ыыппатар, “куттала суох счекка” харчы ыыттарбаттар. Билбэт дьоҥҥут күһэйиитинэн харчыгытын хаһан да, ханна да ыытымаҥ. Ону тэҥэ биржаҕа эргинэргэ кирэдьиит кииримэҥ, харчы иэс ылан элбэтэ сатаамаҥ!