Маастар-былааны олоххо киллэриигэ уопуту үллэһиннилэр

Бүгүн Дьокуускай куорат баһылыга Евгений Григорьев ДОМ.РФ өйөөһүнүнэн РАНХиГС ыытар "Управление городскими проектами" идэтийии таһымын үрдэтэр бырагырааматын кыттыылаахтарын кытта көрүстэ.  Дьокуускайга бу бырагыраама кыттыылаахтара – куораты сайыннарыы бырайыактарын олоххо киллэрии боппуруостарын сэргиир РФ араас регионун бэрэстэбиитэллэрэ,  кэлбиттэр. 

Дьокуускай уокуруктааҕы дьаһалтатыгар буолбут көрсүһүүгэ Евгений Григорьев кэлбит ыалдьыттарга Дьокуускай куорат историятын уонна күн бүгүн сайдыытын билиһиннэрдэ. Кини тыл этэригэр Арассыыйа бэрэсидьиэнэ Владимир Путин өйөөбүт, 2023 с. РФ бырабыыталыстыбата бигэргэппит куорат 2030 с. диэри олоххо киириэхтээх маастар-былааныгар тоһоҕолоон тохтоото.
"Куораппыт сайдыытын маастар-былаанын олоххо киллэрэри ылсыбыппыт иккис сыла. Бүгүн биһиги өрөспүүбүлүкэбитигэр  үөрэх бырагырааматын бара сылдьар бөлөҕү кытта маастар-былаан бырайыактарын олоххо киллэрии уопутун  үллэһиннибит", – диэн Евгений Григорьев санаатын үллэһиннэ.

 Дьокуускайга РАНХиГС  "Управление городскими проектами "Study Visits" үөрэтэр бырагыраамата – маастар-былааннары оҥоруу уонна олоххо киллэрии эйгэтигэр бастыҥ быраактыкалары үөрэтэр исписэлиистэр стажировкалара – биир нэдиэлэ ыытыллар. Бу хайысхаҕа Саха сирин уопута дойдуга бастыҥ быраактыка быһыытынан сыаналанан, үөрэтии иккис модулун быһыытынан талыллыбыт.

 Дьокуускай уокуруктааҕы дьаһалтатын пресс-сулууспатын иһитиннэриитинэн